16 чэрвеня 2026 года каманда Borovtsov & Salei правяла рабочую сустрэчу, прысвечаную актуальным пытанням рэгулявання інтэрнет-рэкламы і асаблівасцям работы замежных тэхналагічных платформ у Рэспубліцы Беларусь.

У цэнтры ўвагі экспертаў знаходзіліся практычныя аспекты: як правільна выбудаваць ланцужок узаемадзеяння паміж замежнымі інтэрнэт-пляцоўкамі, беларускімі блогерамі і рэкламадаўцамі, каб поўнасцю адпавядаць патрабаванням нашага заканадаўства аб рэкламе. Асаблівы акцэнт быў зроблены не толькі на сухіх нормах законаў, але і на рэальнай правапрымяняльнай практыцы, якая склалася ў Беларусі.

У ходзе сустрэчы нашы юрысты разабралі ключавыя і найбольш адчувальныя для бізнесу пытанні:

• Беларускія правілы ў міжнародных сацсетках. Як і ў якіх выпадках заканадаўства Беларусі распаўсюджваецца на рэкламу, якая публікуецца ў Instagram, Telegram, YouTube і на іншых глабальных платформах.

• Праца з замежнымі заказчыкамі. У якіх сітуацыях беларускі блогер не мае права працаваць з замежным рэкламадаўцам напрамую і абавязаны прыцягваць мясцовае рэкламнае агенцтва.

• Рэестр рэкламараспаўсюджвальнікаў. Якім крытэрам павінен адпавядаць блогер, які прававы статус яму неабходны і як правільна арганізаваць уключэнне ў дзяржаўны Рэестр.

• «Рэкламны» збор. Хто, як і ў якім памеры, павінен выплачваць збор пры прасоўванні ў байнэце тавараў і паслуг замежных кампаній.

• Рэгулятарныя рызыкі і "кошт памылкі". Чым рызыкуе бізнэс: ад прызнання рэкламных дамоваў несапраўднымі (нікчэмнымі) да рызык кваліфікацыі дзейнасці як незаконнай і прыцягнення да адміністрацыйнай адказнасці.

• Кантроль кантэнту. Што абавязкова павінна быць у рэкламным матэрыяле і ў якіх выпадках рэкламу давядзецца папярэдне ўзгадняць у дзяржорганах.

Па выніках аналізу былі выпрацаваны пакрокавыя рэкамендацыі і юрыдычныя алгарытмы, якія даюць магчымасць празрыста структураваць бізнес-мадэль на тэрыторыі Беларусі і звесці да мінімуму прававыя рызыкі пры запуску трансгранічных праектаў.

Borovtsov & Salei валодае значным вопытам суправаджэння праектаў у сферы маркетынгу і рэкламы.Мы заўсёды гатовы прапанаваць бізнесу эфектыўныя і бяспечныя прававыя рашэнні ва ўмовах заканадаўства, якое дынамічна змяняецца.